Monday, June 13, 2011

എന്റെ പ്രണയിനിക്ക്....

നീ എനിക്ക് ആരാണ്..
ഹൃദയം കീഴടക്കിയ വെറും പ്രണയിനി മാത്രമല്ല...
എന്റെ ആത്മാവില്‍ അലിഞ്ഞു ചേര്‍ന്നിരിക്കുന്ന
എന്റെ ജീവ സ്വരൂപത്തിന്റെ ഒരു ഭാഗം തന്നെയാണ്..
എന്റെ ജീവ വായുവാണ്...
ഞാന്‍ ശ്വസിക്കുന്ന ഓരോ വായുവിലും
നിന്നോടുള്ള പ്രണയമാണ് ഇപ്പോള്‍..
എപ്പോള്‍ നിന്നോടുള്ള പ്രണയം നില്‍ക്കുന്നുവോ
അപ്പോള്‍ എന്റെ ജീവന്‍ നിലച്ചു എന്നര്‍ത്ഥം..
നിന്നെ കുറിച്ചുള്ള ഓര്‍മ്മകള്‍ ആണ്
ഇപ്പോള്‍ എന്നില്‍ വിഷമ ഘട്ടങ്ങള്‍
തരണം ചെയ്യാന്‍ എന്നെ സഹായിക്കുന്നത്...
എവിടെയായിരുന്നു നീ ഇതുവരെ...
ഇത്രയും നാള്‍ എന്നിലേക്ക്‌ വരാതെ എവിടെ മറഞ്ഞിരുന്നു നീ...
യാന്ത്രികമായി പായുന്ന മണലാരണ്യ
ജീവിതത്തിന്റെ വിഹ്വലതകളില്‍ നിന്നും
നിറങ്ങളുടെ സ്വപ്നഭൂമിയിലേക്ക് എന്നെ കൂട്ടിക്കൊണ്ടു വന്നത്
നീയായിരുന്നു ....
നീ അടുത്തില്ലാതപ്പോ ..
നിന്നോടു സംസാരിക്കാന്‍ കഴിയാതപ്പോഴൊക്കെ...
നെഞ്ചില്‍ ഒരു തരം വിങ്ങല്‍ ആണ്..
ജീവിത ദുഖത്തിന്റെ മുള്‍മുന കൊണ്ട്
വേദനിക്കുന്ന മനസ്സിന് ആശ്വാസമായി
നീ എന്റെ ജീവിതത്തിലേക്ക് കടന്നു വന്നപ്പോള്‍
ഒരു സ്വപ്ന സാമ്രാജ്യം കിട്ടിയ രാജാവിനെപ്പോലെയായി ഞാന്‍...
ഇതിനു പകരമായി നിന്നെ
എത്ര സ്നേഹിച്ചാല്‍ ആണ് എനിക്ക് മതിവരിക..
എന്നും എന്റെ ശരീരത്തിന്റെ ആത്മാവായി
നീ ഉണ്ടാവുന്നിടത്തോളം കാലം ഞാന്‍ ഭാഗ്യവാനാണ് ..

കാലം ഭിഷഗ്വരനെ തേടുകയാണ്

കാലം പുതിയ ഭിഷഗ്വരനെ തേടുകയാണ് ...
മനസ്സിന്റെ ഇഴയടികള്‍ക്ക് വഴിയുടെ
ചൂണ്ടു പലക ദിശ മാറിയിരിക്കുന്നു..
കാഴ്ചകളുടെ നിറക്കൂട്ടുകള്‍
ഇണചേര്‍ന്നു കറുപ്പ് നിറമായിരിക്കുന്നു..
മോഹങ്ങളുടെ ഹൃദയ സ്പന്ദന
താളം തെറ്റിയിരിക്കുന്നു..
കേള്‍വിയുടെ വഴികളില്‍
അട്ടഹാസങ്ങളും ദ്രുത താളങ്ങളും മാത്രം..
കാലം ഭിഷഗ്വരനെ തേടുകയാണ്..
ജീവിതത്തിനു മറവിയുടെ മരുന്ന് തന്നു
രോഗങ്ങളെല്ലാം മാറ്റിടുന്ന
കാലം ഭിഷഗ്വരനെ തേടുകയാണ് .
സ്വാര്‍ത്ഥതയുടെ മദ്യം നുകര്‍ന്ന്
കാലത്തെ ആക്രമിക്കും മനുഷ്യനെ
പുതിയ വഴിവിളക്കുകള്‍ കാട്ടാനായ്
കാലം പുതിയ ഭിഷഗ്വരനെ തേടുകയാണ് ...